ادا كنتي بنت عزباء من السعوديه اسمعي هدا الكلمات

زائر

اذا كنتي بنوته عزباء من السعوديه اسمعي هذه الكلمات</STRONG>
لاحظت كثير من الاخوات في هالمنتدى يشتكون من تاخر زواجهم والكثير منهم تصف نفسها بالعانس لا وفي بنات استغرب لماتقول عمري 24 ومتقدم واحد متزوج وعنده 3 عيال ومتردده بالقبول او الرفض انا ماابيكم تفهموني غلط بنظرتي للزواج وبعد ماودي اكرر الكلام اللي سبق وعادوا وزادوا فيه الاخوات وهو ان الزواج قسمه ونصيب وعمر توقيت الزواج سواءاً كان بدري او متأخر يدل على ثبات الزواج واستقراره وسعادة الانسان فيه ابي اكلمكم عن ظاهرة العنوسه نفسها وراح احاول ارتبها في نقاط بس عشان تصحصحون وتفهمون الوضع صح زي ما فهمته من خلال دراستي الاجتماعيه :
1- أولاً البنت هي اللي تحدد كونها عانس او غير عانس يعني انتي اذا قمتي تتذمرين وتشتكين وتستضعفين نفسك وتحسسين الناس بإنك مسكينه وانك بدون زواج ورجل ولاشي بينظرون لك على هالاساس والعكس صحيح يعني اذا تصالحتي مع ذاتك وعشتي حياتك واستمتعي بالمزايا الكثيره اللي تتميز بها البنت عن المتزوجه الكل راح ينظر لك نظره مشرقه وايجابيه ولاتقولين الناس مايرحمون تراها كلمه تنقال بدون اي عمق او تفكير يعني اذا احد قالك عانس فصدقيني هو مايحس بهالكلمه منجد بس كلمه للإستهلاك والكلام بس زي لما تقولين لوحده عندها مشكله ومشغول فكرها مسكينه اكيد هالوصف ماتقصدينه بس كلمه تعودنا نعبر فيها والسلام وارجع واقولك انتي كبنت عندك ميزات كثيره لاتوجد للمتزوجات ويحسدونك عليها يعني اذا المتزوجه حققت الاستقرار والامومه هذا في احسن الاحوال فانتي عندك الحريه والحياه المفتوحه تنامين وتصحين وتمشين على كيفك اكيد بعضكم بيقولون اهلنا صاكين علينا اقولك مهما كان على الاقل ماعندك ولد يصحيك من احلى نومه ويستحوذ على اغلب اوقاتك الجميله بصراخه وتلبيسه واكله وتنظيفه ومراعاته وقت المرض ولازوج يبي يشاركك في اخص تفاصيل يومك وبرنامج حياتك ويبيك تبرمجين نفسك على هالاساس هذا غير ان المتزوجه الله يكون في عونها حتى جسمها ماهو ملكها سنه حمل وسنه ولاده والجسم مابين مد وجزر وترهل والتهابات ومشاكل خاصه وكلف وتساقط شعر وبلاوي حتى في علاقاتها الاجتماعيه هي محكومه بوضعها كمتزوجه لازم تجامل اخت زوجها وزوجة اخو زوجها وطلعات اهله وتهدي فلانه وتعزم فلانه وتضيف فلانه وحوسه مالها اول ولا اخر يعني بإختصار هي انسانه حياتها من يوم دخلت بيت زوجها ماهي ملكها يعني خلينا نقول انها تعيش لعيالها وزوجها بنسبة 70 وبنسبة 30 لنفسها اما انتي فحياتك كلها ملكك حره تنحفين او تضعفين تهتمين ببشرتك وشعرك بلاتقلبات هرمونيه وللاانتي مضطره تجاملين احد جالسه ببيت ابوك اذا جاكم احد استقبلتيه واذا ماحبيت تروحين للناس فهذا شي راجع لك
وحتى اذا ماحبيتي تطلعين للضيوف فعندك امك وخواتك يكفون وتخيلي وحده متزوجه وتوها حاطه راسها عالمخده وجاها ضيوف من ترسل يستقبلهم الشغاله اكيد بتصحى من احلى نومه وتروح لهم وقيسي على هذا امور كثيره
2- لو قلنا الزواج لازم ومفروض وسنة الحياه وان كل المشاكل اللي قلناها فوق بتجي بتجي فهذا يخليك تحمدين ربك على تأخر نصيبك يعني لو تزوجتي في فترة الثلاثينات فهذا معناته انك استمتعي بعمر العشرينات كله بدون ماتجربين كل هالبلاوي وقدرتي تستمتعين بحياتك اكثر من وحده تزوجت وهي طفله عمرها14 سنه ماشفت من ايام شبابها شي طفوله وعلى طول بعدها مسؤوليه وحمل ووولادة لو فكرتي بهالانسانه بس لحظه وسالتي نفسك اذا كانت هالانسانه جربت الاستقرار والامومه فأغلب بنات حواء بيجربوهم بس ياترى مين راح يرجع لها سنين المراهقه والبراءه بعد ماتكون دخلت القفص وهي توها ماشافت من الدنيا خير ترى الحياه مراحل ولاتقولين يمكن لقت السعاده في زواجها حتى ولو لان الحياه لها ترتيب معين والانسان اذا مايعيش مرحله من عمره يتعب نفسياً حتى لو بينه وبين نفسه بدون مايحسون فيه الناس وعشان كذا تشوفين اللي ماعاشوا طفولتهم تصير عندهم ترسبات وعقد نفسيه معينه لو كانت باقي حياتهم سعيده
3- نرجع لنقطة مهمه وهي انك ماترخصين نفسك ولاتحسسين نفسك بالدونيه وانك المفروض تحمدين ربك على اي واحد يتقدم لك لمجرد انك وصلت لعمر معين وقسماً بالله عن تجربه من اللي حوالي اشوف البنات اللي يرخصون اعمارهم دايماً يفشلون بزواجهم ماهو لان في فوارق اجتماعيه وماديه وعمريه وبس في سبب مهم وهو ان اللي تهون عليه نفسه اكيد الناس بتنظرله نفس النظره يعني الانسان هو مسؤول عن تحديد قيمته بعيون الناس من خلال نظرة لنفسه يعني البنت اللي عمرها 27 سنه وجامعيه وشكلها معقول وترضى بواحد متزوج عمرها فوق ال35 وعنده عيال بالذمه هو ايش راح تكون نظرتها لها بيقول هذي ضعيفه تبي الستره وبس واكيد طايره من الفرحه انها لقت واحد ياخذها يعني دايما مهما تقدم بيك العمر لاتاخذين الا واحد تقتنعين فيه ميه بالميه واحذري تتزوجين عشان ترضين المجتمع واللي حواليك ترى والله مابينفعوكي اذا لقيتي نفسك عايشه بواقع مثل الصقيع وبتظلين تعيشين دور الضحية طول حياتك
4- انتبهي ثم انتبهي من كذبه كبيره يروج لها خصوصا عندنا في السعوديه وهي اسطورة عنوسة الفتيات ترى الشباب عندنا العنوسه عندهم متفشيه بشكل مرعب بس للأسف في هذا المجتمع الذكوري دايما المشاكل اللي تخص المرأة تُضخم وتهول ومشاكل الرجل يتم التعتيم عليها يعني بإختصار بالنسبة لتعداد السكان الاخير اثبت إن عدد الذكور يزيد عن عدد الاناث ب52 الف واغلب هذه الزيادة بين الشباب العزاب على اساس ان النساء العجائز اكثر عدداً من الشيوخ لدرجة لو تدخلون المنتديات اللي تناقش هذه الظاهره راح تلقون شكوى كبيره من الشباب من تأخر زواجهم بشكل كبير واذا كانت اكبر الفتيات اللي يشتكون من العنوسه على حد قولهم اعمارهم تقدر بـ35 سنه تقريباً فإن هذا العمر او اقل منه بقليل هو عمر أغلب الشباب الذين يجدون انفسهم متأخرين بالزواج على عكس الفتيات اللي بسبب ضغوط المجتمع والاسره ينظرون لنفسهم هالنظره من اعمار احياناً تكون في بداية العشرينات ولو تلاحظون ان المجتمع الذكوري عندا له دور كبير في تكريس هذه النظرة بسبب النظرة الدونيه للمرأه او لربما ليعطوا انفسهم الحق في تسهيلات كثيره مثل زواج المسيار او تعدد الزوجات ومالى ذلك من الظواهر التي هي من صالح الرجل ولو تفكرين بالموضوع تفكير منطقي شوي راح تلقين تأخر زواجك ماهو لنقص فيك او لان سوق البنات طايح زي مايحب البعض انه يروج لا الموضوع طبيعي بسبب الاوضاع الاقتصاديه والماديه فطبيعي تأخر الشباب بالزواج ينتج عنه تأخر البنات وليس العكس وهذي ظاهره طبيعيه يعني جدتك مثلا تزوجت بعمر14 لان هذا العمر المتعارف عليه بزمانها وامك تزوجت ب18 بعد لان هذا وقتها واختك الكبيره تزوجت بعمر 21 وهكذا وقبل عشرسنين كانوا البنات يتزوجون بعمر24 والحين صار 27 مناسب جدا يعني بإختصار هذا وضع طبيعي لتطور المجتمع وتغيره يعني نمر بنفس المرحله اللي مروا فيها اخوان العرب وقيسي على مصر مثلاً اعمار الزواج عندهم متأخره ولو تتألمين بهالنقطه تلقين ان الله له حكمه حتى في التغير الاجتماعي يعني قبل 40 سنه كان الناس بالمتوسط يعيش 60 سنه او 65 سنه بالكثير فطبيعي ان الزواج يكون بدري جداً لان الاربعينات ذاك الوقت كانت هي سن الكهوله وتعادل ال60 في زمانا هذا بينما الحين مو معقوله ان الولد تحمل المسؤوليه والزواج وعمره 20 سنه لان الوعي تغير ودرجة الادراك عند الشباب صارت يبيلها وقت ولو الله مثلاً مقدر لك تعيشين 75 او 80 سنه مع انا نشوف الناس احيانا يعمرون للميه ماهو منطقي انك تتحملين مسؤوليه الزواج من عمر 18 وتعيشين حوالي ستين سنه في بيت زوجك وياعالم تكون حياتك معه سعيده او تعيسه وتضيعين احلى ايامك بالحمل والولاده والمشاكل واذا يادوب كملتي 35 سنه واولادك شباب ويبدون يفكرون مثلك بالزواج المبكر ويفضى عليك البيت من بدري فكري بهالنقطه بس بعدين الله لحكمه معينه الحين واسالي كثير من الناس الكبيرات امتد سن اليأس وصار يقارب ال55 سنه يعني انا اعرف ام صديقتي عمرها53 سنه ولساتها تجيها الدوره فلاتخافين من موضوع انك ماراح تقدرين تجيبين عيال اذا تزوجتي متأخره
واهم شي لا احد يأثر فيك ولافي نظرتك لنفسك لا المجتمع ولا الاهل ولا الاقارب وزي ماقلت لك ترى موضوع العنوسه هذا بعبع الرجال يبون يخوفونكم فيه عشان تقبلون بأنصاف الفرص وتهدمون البيوت العمرانه وتجنون على بنات جنسكم بقبول رجل متزوج لدرجة التخلف وصل إن مجلس الشورى يناقش عنوسة الفتيات وعزوف الشباب عن الزواج يعني البنات سموهم عوانس والرجال عازفين مع ان بعضهم ميتين ولاهم لاقين وتخيل نظرة الرجال الانانيه وتقدرون تتأكدون من احصائية السكان الاخيره لو الواحد يعدد ويتزوج 2 او 3 بيبقى نص الشباب بلا زواج وترى عنوسة البنات اهون لان البنات ممكن تاخذ واحد متزوج لكن الشباب من يحل مشكلتهم اذا تزوجوا كل البنات متزوجين بيصير في خلل بالتركبيه السكانيه وتخرب الدنيا زي الصين الحكومه محدده لهم طفل لكل عائله وصاروا استغفر الله يسوون الحمل الانتقائي واذا حملت الوحده ببنت اجهضت والحين صار عندهم خلل كبير بالسكان نسبة اللاولاد للبنات 8 الى 5 واذا احنا قمنا نخوف البنات بالعنوسه بهالشكل ونضغط عليها تاخذ متزوج بتصير نهايتنا زيهم بالضبط
اتمنى انكم استفدتوا من كلامي سامحوني على الاخطاء الاملائيه وكثرة البربره بس تراي متحمسه واجد ومقهور ه على حال البنات اللي قاعدين يرخصون انفسهم يوم بعد يوم وحتى المتزوجات لاترخون لأزواجكم الحبل مره واحفظوا لانفسكم قيمتكم وترى والله انا ماعندي مشكله في الزواج المبكر ولاني ضده بس بعد اندفاع البنات وتشاؤمهم يخوف مره وحبيت اوعيهم على الواقع انهم مايرخصون بانفسهم وترى الله سبحانه وتعالى له حكمه في كل تشريع والزواج على اهميته الكبيره وحتميته لاحظوا ان رب العالمين ماالزم العبد انه يتزوج بس الزمه انه يصوم ويتصدق يعني احنا ماراح نكون اعلم منه سبحانه وتعالى هو اعلم بما يصلح وينفع للانسان اكثر من الانسان نفسه
للامانه منقول...

والله اختي مو واضح شئ ممكن تكبري الخط شويتين

زائر

والله مو باين شي بس مشكوره على مشارتك يا أميرة الغرام

زائر

العفو اخواني ههههههههههه من عيوني ياكل الحنين اكبرلك خطي

الخط صغييييييييييييييييييييييييييييييييييييييير جده

الخط مرررررررررررره موباين بس مشكوره

عــــــ الموضوع وننتظر جديدك

تقبلي مروري flower

مشكوووووور على الموضوع الرائع

بس لازم تعرفي ان الرسول صلى الله عليه و سلم قال (من استطاع منك البائة فليتزوج)
يعني يا رجال اول ما تحس انك تقدر على الزواج روح اتزوج , و طبعا الرجال حيتزوج حرمة
يعني الرسول وصى الرجال و النساء بالزواج.
و الشي التاني انه في واحد في عهد الرسول قال انه ماراح يقرب النساء لا الحلال ولا بالحرام
و الرسول قال بمعنى كلامه (ان الرسول يتزوج النساء و الي ما يتزوج خرد عن الفطره)
و انت تقولي(لاحظوا ان رب العالمين ماالزم العبد انه يتزوج بس الزمه انه يصوم ويتصدق)
يا سبحان الله و كلام الرسول فين راح؟؟؟!!!!!!
اكرر شكري على الموضوع الرهيب ولكن نصيحه مني انتبهوا على نفسكم من الافكار الغربية الهدامة و غسيل المخ الي بيسير للشابات و الشباب العربي و الاسلامي

» شباب السعوديه
» بنات السعوديه
» قصه واقعيه لي ساره السعوديه
» عقبالكم يابنات السعوديه
» قصه واقعيه لي ساره السعوديه